అనుదిన ఆధ్యాత్మికత : దేవుని కాపుదల అంటే ఏంటి?
ధ్యానంశము : కీర్తనలు 121:7 ఏ అపాయము రాకుండ యెహోవా నిన్ను కాపాడును; ఆయన నీ ప్రాణమును కాపాడును.
ప్రజలు ఎలా మాట్లాడుతారు అని మీకు తెలుసు, “ దేవుడు మనల్ని కాపాడుతారు- కానీ జీవితం ఎందుకు ఇంకా బాధిస్తుంది? మనం వ్యక్తులను కోల్పోతుంటాం, మనం పోరాటాలను ఎదుర్కుంటాం, ప్రపంచములో చెడుతనమును చూస్తుంటాం. ఇది మనలను ఆశ్చర్యపరుస్తుంది, నిజానికి దేవుడు మనల్ని దేనినుండి కాపాడుతారు? మనము నిదానించి గ్రంధమును చూచినట్లు అయితే, అది మూడు విషయములను తెలియజేస్తుంది:మరణం, సాతాను, మరియు చెడుతనము.
మెదటిగా, మనలో చాలా మంది మరణమును జరిగే అనేక విషయాలలో ఘోరమైనదిగా చూస్తారు. కానీ,యేసు క్రీస్తు సంబంధులకు మరణం ముగింపు కాదు – నిజానికి అది ఒక ద్వారం. యేసు మరణించి తిరిగి లేచెను, దీనికి అర్ధం మరణం ఆఖరి మాట ఎప్పటికీ కాలేదు. కచ్చితముగా, అందరూ – ఏదో ఒక రోజు దానిని ఎదుర్కుంటారు, కానీ మీరు క్రీస్తుతో వున్నట్లు అయితే, దానికి భయభ్రాంతులు కానక్కరలేదు. దేవుడు మన శరీర మరణమును అన్ని సార్లు తప్పించరు, కానీ దాని భయము నుండి ఆయన మనలను కాపాడుతారు. మనం చెప్పుకోవలిసినది, మరణం ఓటమి కాదు – అది గృహమును చేరుకొనుట”. ఇది గొప్ప విషయం.
రెండవదిగా, యేసు క్రీస్తు మరణమును మాత్రమే జయించ లేదు, ఆయన సాతానును కూడా ఓడించెను. కొన్ని సమయాలలో మనం మన మనసులలో శత్రువుకు అధిక బలమును ఆపాదిస్తాం. మనము శోదింపబడినపుడు, అయోమయంలో వున్నపుడు, లేక ఆధ్యాత్మికముగా దాడికి గురైనపుడు, మనము స్థిరంగా నిలబడి చెప్పవచ్చు – “నేను యేసుకు చెందిన వ్యక్తిని నేను ఆయన రక్తముతో కప్పబడిన వక్తిని, శత్రువు దీనిని ద్వేషిస్తాడు. మనం అనుమానాలు, భయాల ద్వారా వానికి అవకాశాన్ని ఇస్తున్నాము వాటి మీదే వానికి పునాది దొరుకుతుంది.సాతాను ఓడింపబడెను – కరవలేని పామవలె ఆయెను.మనం సాతానును ప్రతిఘటిస్తాము, మనలో మనం బలముగా వుండుట వలన కాదుగానీ, మనం ఎవరి సంబంధులమో జ్ఞాపకము చేసుకొనుట వలన.
మూడవదిగా, చెడుతనము ఎప్పుడూ బిగ్గరగా వుండదు.. కొన్ని సమయాల్లో మేసు క్రీస్తు నుండి దూరమైనపుడు ఒక నిశ్శబ్ద సూన్యము వలె అనిపిస్తుంది. కాని ఇక్కడ ఒక మంచి భాగము వున్నది : మనము ఎప్పుడూ అక్కడే చిక్కు కొని వుండము. యేసే మార్గము, సత్యము, జీవము, మనము ఎప్పుడైతే ఆయనను ఆనుకొని వుంటామో, వెలుగు చీకటిని పారద్రోలును. ఆత్మను కాపాడుట అనేది కోపముతో లేక ప్రతీకారములతో యుద్దము చేసేది కాదు; అది మరి ఎక్కువ అబద్దములకు “కాదు” అని చెప్పి బదులుగా దేవుని నీతిని ఎంచుకొనుట.దానియేలు ను గూర్చి ఆలోంచించుడి,యేసేపును గూర్చి ఆలోచించుడి. వారు చేదు అనుభవాలతో ప్రతిఘటించలేదు – వారి అన్యాయపు సమయాల్లో దేవునిని నమ్మెను, సమయము వచ్చినప్పుడు దేవుడు వారిని లేవనెత్తెను. అదే దేవుడు ఈ సమయములో మిమ్మునూ చూస్తున్నారు. ఆయన మీ ఆత్మను రక్షించగల సమర్థుడు, ఆయనతో నడువుటకు మిమ్మును ఆయన ఆహ్వనించుచున్నారు. కనుక ఎప్పుడైనా అందకారము సోదించినపుడు దానితో ఏకీభవించకండి. యేసు వైపు మీ దృష్టిని మరల్చుకొని ఆయన మీ భారాన్ని మోయనివ్వండి.
పరివర్తన: జీవితం అనిశ్చితముగా, భారముగా, ఊహించలేనిది గా వుండవచ్చు కానీ దేవుని కాపుదల మనము ఊహించినదాని కన్నా లోతుగా వెలుతుంది . ఆయన మనం కేవలం మన శరీరాన్ని కవచమువలె కాపాడుట మాత్రమే కాక మన ఆత్మలను కాపు కాయును, క్రీస్తులో, మరణము అంతము కాదు, సైతానుకి అధికారము లేదు, చెడుతనము గెలవలేదు. జీవితం ఇప్పటికి సరిగ్గా లేక పోవచ్చు, బహుసా మీకు అనేక ప్రశ్నలు వుండవచ్చు, భయాలు, లేక ఎవరూ చూడని పోరాటాలు వుండవచ్చు, కానీ మీరు కాపుదల లేని వారు కాదు.మీరు ఒంటరి కాదు. దేవుడు, భయము కన్నా మీకు దగ్గరగా వున్నారు, శత్రువు కన్నా బలముగా, అంధకారము కన్నా వెలుగుగా వున్నారు.
ప్రార్ధన : ప్రియ పరలోకపు తండ్రి, యేసు క్రీస్తు నామములో, వినయము గల హృదయముతో మీ ముందుకు వచ్చుచున్నాము. మీ కాపుదలకు, మా ఆత్మల యొక్క సంరక్షణ మరియు మీరు మాకు వాగ్దానము చేసిన నిత్యజీవమునకు మీకు కృతజ్ఞతగా వుండుట మేము తరచు మరిచిపోతున్నాము. మేము బలహీనతలలో చిక్కుకొని, సమస్యలలో మరియు ఇహలోకములో మారుల్కొల్పబడి మరియు మీ యొక్క దయను సంరక్షణను గుర్తించుటలో విఫలమవుతున్నాము. అయినా జీవితము కష్టతరముగా వున్నపుడు, మీరు నమ్మకముగా వున్నారు, పేతురు విశ్వాసము విఫలము కాకుండునట్లు మీరు ప్రార్ధించినట్లు, మేము మా విశ్వాసన్ని బలపరచమని వేడుకొనుచున్నాము, మా హృదయాలను కాయుము, మరియు మీ అధికారమును, ప్రభుత్వమును సంపూర్ణముగా విశ్వసించునట్లు సహయము చేయుము. మమ్మును మీకు దగ్గర చేసుకొనుము, ప్రభువ, మీ పరిశుద్దాత్మ మమ్మును నడిపించి కాపాడును గాక. యేసు క్రీస్తు నామములో ప్రార్ధించి అప్పగించుకొనుచున్నాము. ఆమెన్.
సారాంశం: దేవుని కాపుదల అంటే ఎప్పుడూ జీవితం సులువుగా వుంటుందని కాదు కానీ దాని అర్ధం మన ఆత్మ ఆయనలో సురక్షితముగా వుంటుందని. మరణము మనలను అంతము చేయలేదు, సాతాను మనలను ఆదీనపరచుకోలేడు, మరియు చెడుతనము మనము కలిగివున్న దేవుని వెలుగును అధిగమించలేదు. యేసుక్రీస్తు కు ఈరోజు దగ్గరగా వుండుడి మరియు ఆయన సాన్నిద్యం మీ శాంతికి కారణముగా చేసుకొనుడి.
(అనుదిన ఆధ్యాత్మిక పరివర్తన, రచయిత రెవరెండ్. ఇమ్మానువేల్ అరుల్ పాల్. హియర్ మాత్త్యూ 11:28 మినిస్ట్రీస్ తరుపున.. ముద్రణ డిసెంబర్ 13.2025. తర్జుమా:సహోదరి. జలజాక్షి.)
ప్రకటనలు :
1 . మీ శీషత్వపు ప్రయాణములో సహకారము కోరినట్లు అయితే, ప్రతి శుక్రవారం రాత్రి 8:30 గంటలకు జరిగే మా శిషత్వపు సమావేశమునకు మిమ్మును ఆహ్వానిస్తున్నాము..
Link:https://us06web.zoom.us/j/81144235750pwd=RG4veEdLQkJNS1NxYW1ZWmNnb3EvQTo9 (Meeting ID: 81144235750)(passcode:12345).
2-వ్యక్తిగత కౌన్సెలింగ్ కోరినట్లు అయితే, అపాయింట్ మెంట్ కొరకు ఈ లింకలను వాడండి.
https://zoom.us/rev-immanuel-paul/appointment
- మా మినిస్ట్స్ మరియు సమావేశాలు యెక్క సమాచారం తెలుసుకొనుటకుchat https://chat.whatsapp.com/EokMFGuZdgb23Sg8BsHzas విశ్వాసముతో మరియు సహవాసములో మీతో నడువుటకు మేము ఎదురు చూస్తుంటాం.