శీర్షిక:సువార్త వలన కలుగు విస్తారమైన /సమృద్ధియైన సంతోషమును పంచుకొనుట

సువార్త కేవలం సమాచారము కాదు గానీ అది జీవితాన్ని మార్చేది. అది కేవలం భోదించేది గా కాక మనలను విమోచించి, మన ప్రభువును మరియు రక్షకుడైన యేసు క్రీస్తునకు దగ్గర చేసేది.

యెహను 4:28-30 లో సమరయ స్త్రీ గూర్చి ఆలోచిద్దాం, యేసు క్రీస్తును కలిసిన తరువాత ఆమె ఆజ్ఞల కొరకో లేక ఆలోచన కొరకో వేచియుండలేదు. ఆమె అనుభవాన్ని పంచుకొనుటకు పరుగెత్తెను. ఆమె సంతోషము వ్యాప్తించేది! ఈ విధముగా సువార్త పనిచేస్తుంది- అది పంచుకొనవలసినది, మనలో ఉంచుకొనుటకు కాదు.

ఆమె ప్రతిస్పందనను గమనిద్దాం : ఆమె నైపుణ్యతను మరియు ప్రణాళికలను అభివృద్ధి చేసుకొనలేదు/ నేర్చుకో లేదు. ఇతరులను ఒప్పింపజేయుటకు ఆమె చింతించలేదు- అది సృష్టికర్త యెక్క పని, ఆమె సులభముగా ప్రతిస్పందించింది- విశ్వసముపై ఆనుకొనుట.మనము సువార్తను పొందుకున్నప్పుడు అది మనలను రక్షించుటయే కాక మనలను అంతరంగము నుండి బాహ్యమునకు రూపాంతరము కలిగిస్తుంది, మన వ్యక్తిత్వములో క్రీస్తును ప్రతిబింబిస్తుంది.

యేసు క్రీస్తు యెహను 4:14 చెప్పునదేమనగా, విశ్వాసులలో జీవజల ఊటలు ఊరును ఆ జలములు ఉబికి పొంగి పారవలసినవై యున్నవి. ఆ ప్రవాహమును అడ్డుకున్నట్లయితే అది చెడిపోవును, మనకే తిరిగి హాని కలుగును. అది చెడిన నీటి బుగ్గ అవుతుంది, జల ప్రవాహములను ఆపినట్లు అవుతుంది.

లోతును గూర్చి ఆలోచిద్దాం- ఆయన అభ్రహము మీద దేవుని ఆశీర్వాదమును చూచెను కానీ సాదోమోలో మౌనముగా వుండెను. ఆయన మాట్లాడుటలో విఫలమవుట వలన మూల్యముగా ఆయనకు కలిగినదంతా కోల్పోయెన. అదే విధముగా ప్రభువు మనకు అనుగ్రహించినది బిగబట్టిన యెడల దానిని కోల్పోయే ప్రమాదమును ఎంచుకొన్నట్లు.

మత్తయి 25: 14-30 లో దీనిని యేసుక్రీస్తు తేట తెల్లము చేసెను. వారికి ఇవ్వబడినది ఎవరైతే వృద్ధి చేయుదురో వారికి మరి ఎక్కువ ఇవ్వబడును. ఎవరైతే దాచియంచుదురో వారికి కలిగిన కొంచెము కూడా కోల్పోవుదురు. సువార్త లోకమునకు విలువైనదిగా కనిపించకపోవచ్చు కాని అది శక్తివంతమైనది. సమరయ స్త్రీ యెక్క సాక్ష్యము ఇతరులను క్రీస్తునొద్దకు నడిపెను మన సంతోషమును పంచుకొనుట యొక్క విలువకు ఇది నిదర్శనం.

కనుక ఇది మన హృదయమునకు తీసుకుందాం: సువార్తను స్వీకరించి, మనలను అది రూపాంతర పరచనిచ్చి, విశ్వసనీయతతో దానిని ప్రకటిద్దాం. అది మన జీవితములో వృద్ధి పొందునట్లు ప్రభువైన దేవునిని విశ్వసిద్దాం. మీ సంతోషము జీవ జలము వంటిది అది పొంగి పారవలసినదైయున్నది.

పరివర్తన: ఈ రోజు మిమ్మును మీరు ప్రశ్నించుకొనుడి. ప్రభువైన దేవుడు నాకు ఇచ్చిన సంతోషమును మరియు జీవమును వృద్ధి  చెందకుండా నిరోదిస్తున్నాన? ఆయన ప్రేమను ఇతరులకు ప్రచురించుటకు నన్ను ఏది అడ్డుకుంటుంది? కొన్నిసమయాల్లో అది- భయం, స్వీయ సందేహం, లేక నేను ఇంకా సిద్ధంగా లేను అని ఆలోంచించుకోవడం. కాని సమరయ స్త్రీ మనకి గుర్తుచేయునది ఏమనగా చిన్న విశ్వాసము చాలు; మిగిలినది ప్రభువైన దేవుడు చూసుకుంటారు.

ప్రార్ధన : పరలోకపు తండ్రి ప్రభువైన యేసు క్రీస్తు, మమ్మును బహుగా ఆశీర్వదించినప్పటికీ, తరచుగా స్వార్ధముగా ప్రవర్తిస్తూ నీ రాజ్యమునకు దారితప్పిపోతున్నాము, నా హృదయములో జీవజలములను వుంచినందుకు వందనములు..మీ సువార్త యెక్క సంతోషమును సంకోచించకుండా లేక భయపడకుండా ప్రచురించుటకు సహయము చేయుము. చిన్న సాక్ష్యము కూడా జీవితాలను తాకగలదు, రూపాంతర పరచగలదని విశ్వసించుటకు నేర్పుము,ప్రేమతో మరియు ధైర్యముతో నన్ను నింపుము నా రాజైన రక్షకుడా, మీ ఆశీర్వాదములు నా ద్వారా అనేకులకు ప్రవహించునట్లు సహాయము చేయుము. యేసుక్రీస్తు నామములో, ఆమెన్.

ముగింపు: క్రీస్తును ఎరుగుట అను సంతోషము వెలుపలికి ప్రవహింపవలసినదైయున్నది. ప్రభువైన దేవుడు మీకు అనుగ్రహించినది ప్రచురించుడి – (మీ కథ, మీ ప్రోత్సాహము, మీ ప్రేమ). పరిపూర్ణత లేక అనుమతి కొరకు వేచియుండ వద్దు. మీ హృదయమును పొంగి పొర్లనివ్వండి, దానిని దేవుడు వృద్ధి చేస్తారని విశ్వసించండి.

(అనుదిన ఆధ్యాత్మిక పరివర్తన. రచయిత, సహోదరి, జలజాక్షి, మత్తయి 11:28 మినిస్ట్రీస్ తరుపున, ప్రచురణ 9 అక్టోబర్. 2025. అన్ని వాక్యములు ప్రశ్నలు రికవరి వర్షన్ ఆప్ ద బియిబుల్ (లివింగ్ స్ట్రీమ్ మినిస్ట్రీ).

ప్రకటనలు:

1. మీ ఈమెయిల్ కు మా ఆధ్యాత్మిక రచనలు క్రమముగా రావాలని ఆశించినట్లు అయితే, దయచేసి మా యొక్క ప్రశ్నాపత్రం నింపవలెను. రచనలు ఆంగ్లములో, తమిళములో మరియు తెలుగులో ప్రచురింపబడుచున్నవి.అవి మీ ఈమెయిల్ కు వస్తాయి.

2) మీ శిష్యరిక ప్రయాణంలో మా సహకారం ఆశించినట్టు అయితే, మా వారాంతపు శిష్యరిక సమావేశమునకు మీకు మా హృదయపూర్వక ఆహ్వానం. ప్రతి శనివారం జరుగును. link::https://uso6web.zoom.us/j/81144235750?pwd EsfuED6du4T8YMjFdSXdpvWupXpcow.1( meeting id:81144235750.passcode:12345).

3) వ్యక్తిగత కౌన్సిల్ కొరకు మమ్మల్ని సంప్రదించండి.. విశ్వాసములో మరియు సహవాసములో మీతో కూడా నడుచుటకు మేము ఆశిస్తున్నాము.

Click here to download as PDF ->Telugu

మతమును మించిన సంబంధము:

మన ప్రభువైన యేసుక్రీస్తు ప్రశస్తమైన నామములో మీ అందరికీ కృప మరియు సమాధానము . ఈ అధ్యయనములు మిమ్మును నెమ్మది పరచునట్లు, ప్రతిబింబిచునట్లు మరియు ఆయనకు దగ్గర చేయునట్లు సహయపడవలెనని ప్రార్థిస్తున్నాను.

ఈ రోజులలో అనేకులు క్రైస్తవ్యాన్ని మరొక మతముగా చూస్తున్నారని మీరు ఎరుగుదురు . కాని వాస్తవానికి,అది నియమాలు, అలవాట్లు, దినచర్య మరియు స్వీయ సహయము గూర్చి కాదు గాని, క్రైస్తవ్యం క్రీస్తుతో సంబంధం గూర్చి, మన అంతరంగము సూన్యముగా వున్నప్పుడు మన వెలుపల శుద్ధీకరణకు ఆయన ఆసక్తి చూపరు. ఆయన జీవముతో మనలను నింపుటకు ఆయన ఆసిస్తున్నారు.

యిర్మియా రోజున గూర్చి ఆలోచిద్దాం, హనన్య వంటి

అబద్దపు ప్రవక్తలు ఆశీర్వాదమునకు బాహ్య శ్రేయస్సు ను కొలమానముగా ప్రమానము చేయుదురు. కానీ యిర్మియా, ప్రజలు క్రీస్తు నిజ సంకల్పములోనికి నడిపెను – హృదయములు అంతరంగములో నుండి బాహ్యము నకు రూపాంతరము పొందెను. అది ఇప్పటికీ మనకునూ నిజమై యున్నది. సువార్త మొదట మన పరిస్థితులను సరి చేయుటకు కాదు, అది యేసు క్రీస్తు నిజముగా మనలో ప్రతీ భాగమును పాలించునట్లు మన ఆలోచనలు, కోరికలు మరియు దృష్టిని పునరుద్దీకరించుట గూర్చి

దీనిని గూర్చి యేసు క్రీస్తు హెచ్చరించెను- మత్తయి 12:43-45. “అపవిత్రాత్మ ఒక మనుషుని వదలిపోయిన తరువాత అది విశ్రాంతి వెదకుచు నీరులేని చోట్ల తిరుగు చుండును. విశ్రాంతి దొరకనందున తాను వదలి వచ్చిన నా ఇంటికి తిరిగి వెళ్ళుదునని వచ్చి, ఆ ఇంట ఎవరును లేక అది ఊడిచి అమర్చియుండుట చూచి, వెళ్ళి తనకంటే చెడ్డ వైన మరి ఏడు దయ్యములను వెంట బెట్టుకొని వచ్చును అవి దానిలో ప్రవేశించి అక్కడనే కాపురముండును. అందుచేత ఆ మనుష్యుని కడపటి స్థితి మెదటి స్థితి కంటె చెడ్డదగును. అలాగే ఈ దుష్టతరము వారికిని సంభవించునూ అనెను. హృదయము ఊడిచి సుభ్రపరచి ఖాలీగా వుంచిన యెడల అది శత్రువు ను మరల తిరిగి విశాలముగా తెరచి ఆహ్వానించినట్లు అవుతుంది. అని ఆయన చెప్పెను. మతము కేవలము బాహ్య ఆచారముల వరకే అయితే ఇదే జరుగుతుంది- అది ఇంటిని అలంకరించి రక్షణ లేకుండా వదిలేస్తుంది. కానీ క్రీస్తు ఎప్పుడు లోపలికి వస్తారో అప్పుడు అన్నీ మారుతాయి. ఆయన కేవలము పాతవి తీసివేయుటే కాక మనలను ఆయనతో నింపి మనలను నూతన పరచును. మరియు ఇదియే నిజమైన పశ్చాత్తాపమునకు వివరము. ఇది సులభముగా మనము ఆశించినట్లు శ్రమలు, కష్టాలలో నుండి బయట పడడానికి కాదు గానీ ఇది ప్రభువైన దేవుని స్వారూప్యము లోనికి మనలను పునరుద్దీకరించుటకు మరి ఇది ఏలాగు జరుగును? శిష్యరికము ద్వారా. ఆదిమ శిష్యులు యేసు క్రీస్తుతో ఎలాగు నడిచిరో ఆలాగున మనము కూడా సమయము ద్వారా ఆయన సాన్నిధ్యములో, దైవిక అలవాట్లలో కట్టబడుతూ, ఇతర విశ్వాసులతో
సహవాసము కలిగియుండి, ఆయన వాక్యమును వింటు మరియు ప్రతిదినము అప్పగించుకొనుట నేర్చుకొనుట. ఇది తాత్కాలికము కాదుగానీ, జీవిత కాలము నడువుట కనుక మనము ఆశీర్వాదమును డబ్బుతో, గెలుపుతో లేక సౌకర్యములతో కొలవ వద్దు. నిజమైన ఆశీర్వాదము క్రీస్తు యెక్క గుణాతిశయములు మనలో రూపింపబడుట అది ఈ లోకము ఇవ్వగలిగే దాని కన్నా ఎంతో విలువ కలిగినది.

ఈ రోజు నేను మిమ్మును ప్రోత్సహిస్తున్నాను మీ దగ్గర లేని వాటి కొరకు లేదా మీరు మారాలి అనుకునే వాటి మీద దృష్టి ఉంచకుడి. మీలో సమస్తమును నూతనముగా చేయగల వాని యందు ఆనందించుడి. ఆయనే మీ యెక్క గొప్ప నిధి.

పరివర్తన : నా జీవితములో దేని మీద ఎక్కువ దృష్టి కలిగి వున్నాను? బాహ్య మార్చా లేక అంతరంగ రూపాంతరమా? నేను నిజముగా క్రీస్తుని నన్ను నింపుటకు నన్ను పాలించుటకు అనుమతిస్తున్నానా లేక కేవలము నటిస్తున్నాన.

ప్రార్ధన : నా ప్రభువు మరియు రక్షకుడైన యేసు క్రీస్తూ, కేవలము నా బాహ్య శుద్ధీకరణ మాత్రమే కాక, నాలో నివసించుటకు మరియు నూతన పరచుటకు వచ్చినందుకు మీకు వందనములు. నేను బాహ్య లేక ఈ లోకపు విజయములలో ఆశీర్వాదమును వెతకక నాలో నీ జీవము ఎదుగునట్లు నాకు సహయము చేయుము.అనుదినము మీతో నడువుట నాకు నేర్చుము. హృదయము యొక్క ప్రతీ భాగము అప్పగించు కొనుటకు మరియు అన్నింటిని మించి మీ సాన్నిధ్యములో ఆనందించునట్లు సహయుము చేయుము ఆమెన్.

ముగింపు: నిజమైన ఆశీర్వాదము మారిన పరిస్థితులలో లేదు కానీ, అది క్రీస్తు జీవం మీలో దిన దినము రూపింపబడుట లో వున్నది. అది అంతరంగములో నుండి భాహ్యముకు.

(అనుదిన ఆధ్యాత్మిక పరివర్తన. రచయిత: రెవరెండ్. ఇమ్మానువేల్ పాల్, మత్తయి 11:28 మినిస్ట్రీస్ తరుపున, ప్రచురణ 3. అక్టోబర్ 2025, అనువాదము: సహోదరి, జలజాక్షి. అన్ని వాక్యములు ప్రశ్నలు రికవరి వర్షన్ అఫ్ ద బయిబెల్ (లివింగ్ స్ట్రీమ్ మినిస్ట్రీ).

విశ్వసనీయత నైపుణ్యమును మించినది : యిర్మియా 28, 29 నుండి ఒక పరివర్తన.

కొన్ని సమయాలలో మనం మన జీవితాలను చూసి మనం వెనుకబడుతున్నాం అని తలస్తుంటాము ఇతరుల తలాంతులు, అవకాశాలు, గుర్తిపులను బట్టి వారి అభివృద్ధి చూసి అది మనకు లేదు అనుకుంటాము ప్రపంచం అభివృద్ధికి కారణం నైపుణ్యత మరియు కార్యాచరణ అని అంటుంది కాని దేవుడు తరచు దానికి వ్యతిరేకముగా పనిచేస్తారు. ఆయన నైపుణ్యము కన్నా విశ్వసనీయతకు విలువనిస్తారు.

యిర్మియా 28 మరియు 29 ఈ నిజాన్ని విపులంగా విశ్లేపిస్తుంది.. 28వ అధ్యయములో హనన్య దేవుడు బబులోను అధికారాన్ని విచ్చిన్నం చేసి యూదాను పునఃరుద్దీకరిస్తారని నిక్కచ్చిగా ధైర్యముగా చెప్పెను. తన నాటకీయ, ప్రజారంజక సందేశం సులువైన నిరీక్షణనను అందించెను. కాని అది అబద్దం. హనన్య యొక్క ప్రభావశీలత ప్రజలను రెప్పించినప్పటికీ, అది దేవుని నిజ ఉద్దేశము నుండి వైదొలిగించెను.

దీనికి వ్యతిరేకముగా, యిర్మియా కష్టతరమైన నిజమును పలికెను. 27 వ అధ్యాయముతో ప్రవాసులను బబులోనులో స్థిరపడుటకు, జీవితములను కట్టుకొనుటకు మరియు ప్రశాంతమైన ప్రాంతముగా కొరుకొనునట్లు వేడుకొనెను. ఇది ఆడంబరముగా, లేక ప్రజాదరణగా లేనప్పటికీ, ఇది దానియేలు మరియు నెహెమ్యా వంటి నాయకులు ఉద్భవించుటకు, దేవుని చిత్తమునకు విశ్వసనీయమైన పునాదిగా వుండెను.

యిర్మియా దేవుని వాగ్దానమును వారికి జ్ఞాపకము చేసెను. యిర్మియా 21:11- నేను మిమ్మును గూర్చి ఉద్దేశించిన సంగతులను నేనెరుగుదును, రాబోవు కాలమందు మీకు నిరీక్షణ కలుగునట్లుగా అవి సమాధానకరమైన ఉద్దేశములే గాని హనికరమైనవి కావు.

హనన్య విధేయతలేని ప్రభావశీలత యొక్క ప్రమాదమును మనకు చూపెను. యిర్మియా విశ్వసనీయత యెక్క శక్తిని విపులపరిచెను, అది చూడలేనిదైనప్పటికీ, ప్రాముఖ్యముగా ఎంచబడనప్పటికీ.

దేవుడు విశ్వసనీయతలో ఆనందించును నైపుణ్యమును అభివృద్ధి చేసుకొనవచ్చును, కాని క్రీస్తు మన స్వభావమును చెక్కును, అది మన యోగ్యతను లేక సామర్ధ్యమును మించి నిలిచియుండును.

మీరు నిర్లక్షింపబడినట్లు, నైపుణ్యత లేనట్లు లేక ఈ రోజుకి మీరు సామాన్యులు అని తలిస్తే. మనసుని స్వాధీనపరుచుకొనుడి. దేవుడు మీ విశ్వసనీయ హృదయమును విలువైనదిగా పరిగణిస్తారు. ప్రతివిధమైన విధేయత క్రియ, నమ్మిన సమయము, ప్రేమ యెక్క చిన్ని అడుగులు అవి విత్తనములు, ఆయన వాటిని నిత్యత్వముకు అభివృద్ధి పరచును.

విశ్వసనీయత యెక్క ఎదుగుదల, మన ఇబ్బందులను, సందేహములను క్రీస్తుకు అప్పగించుకొనుటలో ఆరంభమవుతుంది. మీలో విశ్వసనీయత కలుగుటకు ఆయనను అడుగుడి. అది పరిపుర్ణత కొరకు కాదుగాని అది అనుదినము విశ్వసించుటకు, విదేయత చూపుటకు; (ఎవ్వరు చూడని సమయాలలో కూడా), ఈ వినయపూర్వక అప్పగించుకొనుటతో, దేవుడు మీ స్వభావమును పుణరుద్దీకరించును, ఆయన ప్రేమలో స్థిరమైన, లోతైన వేరు కలిగి యుందురు.

కనుక దేవుని కృపను అంగీకరించుడి. ఇతరుల తో పోల్చుకొనుట మాని, మీ యెక్క విలువను లోకపు అందనాలతో అంచనా వేసుకొనక, దేవుడు మీ విశ్వసనీయతలో ఆనందిస్తారని తెలుసుకొనుడి. మీరు విధేయతా తో, విశ్వాసముతో వేసే ప్రతి అడుగు ఆయనకు ఎంతో విలువైనది. ఆయన ఈ విత్తనములను శాశ్వత పంటగా అభివృద్ధి చేయును

(అనుదిన ఆధ్యాత్మిక పరివర్తన, రచయితే రెవరెండ్, ఇమ్మాన్యుయేల్ పాల్, మత్తయి 11:28 మినిస్ట్రీస్, మద్రణ ఆగస్టు 2025, అనువాదం: సహోదరి, జలజాకి.).

Click here to Download as PDF ->Telugu

విధానమును విశ్వసించుట : దేవుని వాగ్దానములో లంగరు వేయబడిన ఆలోచనావిధానము.

యేసు క్రీస్తు నామములో వందనములు:

జీవితములో విడుదల పట్ల ద్యాస కలిగి వుండుట సులభతరం కానీ ఈ విధానములో దేవుని మహిమను కోల్పోతాము.

మనము తక్షణ జవాబులు, విడుదల కొరకు కనిపెట్టు కొనుట వలన దేవుడు మన హృదయ అంతరంగాల లోతులలో ఆయన జరిగించు క్రియలను చూడలేని గుడ్డితనము కలుగును.

యిర్మియా 29:11 పలుమార్లు ప్రోత్సహించుటకు చెప్పబడినది కాని దాని అమరికను గుర్తు చేసుకున్నపుడు దాని సముృద్ధి అయిన అర్ధం తెలుస్తుంది.

ఇశ్రాయేలు ప్రజలు గృహములకు దూరముగా, నిరుత్సాహముతో, విడుదలకు అతృత కలిగినవారై బబులోనులో బందీలుగా వుండిరి . ఇద్దరు ప్రవక్తలు

వారితో మాట్లాడిరి : హనన్య తక్షణ విడుదల వాగ్దానము చేసెను, యిర్మియా దేవుని నిజ వాక్కు ను నమ్మకముతో పంచుకొనెను, ఈ ప్రవాసము డెబ్బది సంవత్సరములు వుండును కొద్ది కాలం కాదు అని, హనన్య మాటలు అబద్దపు ఆశలను రేసెను, కాని యిర్మియా సందేశం, వినుటకు కష్టతరమైనప్పటికీ, తన ప్రజలపట్ల దేవుని హృదయమును వెల్లడించెను.

యిర్మియా ద్వారా దేవుడు ప్రకటించెను: నేను మిమ్మును గూర్చి ఉద్దేశించిన సంగతులను నేనెరుగుదును, రాబోవు కాల మందు మీకు నిరీక్షణ కలుగునట్లగా అవి సమాధానకరమైన ఉద్దేశములే గాని హనికరమైనవి కావు (యిర్మియా 29:11). వారు వేచియుండుటలో కూడా దేవుడు వారిని విడిచిపెట్టలేదు. మరల ఆయన సాన్నిధ్యములో సంతోపించుటకు, వారి గుర్తింపును కనుగొనుటకు, వారిని స్వస్థత మరియు సిద్ధపాటు కాలము ద్వారా ఆయన సరియైన దిశను చూపెను.
ఇది ప్రవాసమును ఓర్చుకోనుట మాత్రముకాదు- ఇది దేవుని సమయమును గూర్చి నేర్చుకొనుట లేక తెలుసుకొనుట. ఆయనను నమ్ముటకు లేక విశ్వసించుటకు విధేయతకు మించినది అవసరము అది నూతనపరచబడిన ఆలోచనావిదానమై యున్నది. మన భావోద్వేగాలు మారవచ్చు, మన పరిస్థితులు కష్టతరము లేక భారము కావచ్చు మరియు నిరీక్షణ లేనట్టు వుండవచ్చు, కానీ దేవుని వాగ్ధానములు స్థిరముగా వుండును.. వేచియుండుట తృణీకరింపబడినట్లు కాదు గాని, అది దేవుడు పరిస్థితుల వెనుక చేస్తున్న పనిని ఇప్పటికి చూడలేని పరిస్థితి.

మీ పురోగతి వెంటనే కలుగకపోవచ్చు, కానీ అది దేవుని సరియైన సమయములో వస్తుంది. ఆమన వాక్కు వలన మీ హృదయము నూతనపరచబడుట ద్వారా, మీరు ఆయన నిర్ణయించిన భవిష్యత్తు మరియు నిరీక్షణలో నడుచుటకు సన్నద్ధులగుదురు. కాగా మీరు మీ వైపల్యాలను, బలహీనతలను, అసంధవ పరిస్థితులను చూడక, బదులుగా క్రీస్తును చూడుడి. ఆయన రక్తము గొప్ప వాక్కును పలుకును మరియు ఆయన వాగ్దానములు ఎప్పటికీ తప్పవు.

( అనుదిన ఆధ్యాత్మిక పరివర్తని. రచయిల్ రెవరెండ్ ఇమ్మాన్యుయేల్ పాల్, మత్తయి 11:28 మినిస్ట్రీస్, ముద్రణ ఆగస్టు 2025 అనువాదం సహోదరి జలజాకి).

Click to download as PDF -> Telugu